រូបភាពថតដោយតេឡេស្កុបអវកាសហឺបល (Hubble Space Telescope) នៅថ្ងៃទី២៧ មិថុនា ២០១៩ បង្ហាញយ៉ាងច្បាស់ និងយ៉ាងលម្អិត អំពី "ចំណុចក្រហមនៃភពព្រហស្បតិ៍" (Jupiter's Great Red Spot)
"ចំណុចក្រហម" ជាចំណុចសម្គាល់ដ៏ពិសេសមួយនៃភពព្រហស្បតិ៍ ហើយវាក៏ជាចំណុចទាក់ទាញអារម្មណ៍ និងចម្ងល់ដ៏ខ្លាំងមួយផងដែរ នៅក្នុងប្រព័ន្ធព្រះអាទិត្យរបស់យើង។ តាមពិតចំណុចក្រហមនេះ គឺជាព្យុះសង្ឃរា។នេះបើយោងតាមការស្រាយ របស់លោក សេង ឌីណា។
នៅលើភពផែនដីយើង ប្រសិនបើគេមើលពីទីអវកាស ព្យុះសង្ឃរាក៏បង្កើតឲ្យមានពពកជាទម្រង់ស្រដៀងគ្នានឹងចំណុចក្រហមនៃភពព្រហស្បតិ៍នេះដែរ។ គ្រាន់តែថា ព្យុះនៅលើភពផែនដីមានពណ៌ ស ហើយព្យុះសង្ឃរាដ៏ធំបំផុតដែលគេធ្លាប់សង្កេតឃើញនៅលើភពផែនដី មានមុខកាត់ប្រមាណជា ១៦០០គីឡូម៉ែត្រ ហើយមានកម្លាំងខ្យល់ប្រមាណជា ៣២០គីឡូម៉ែត្រក្នុងមួយម៉ោង។
ព្យុះនៅក្នុងចំណុចក្រហមនៃភពព្រហស្បតិ៍នេះវិញ មានទំហំដ៏ធំមហិមា គឺមានមុខកាត់ស្មើនឹង២ដងនៃមុខកាត់របស់ផែនដី ហើយកម្លាំងខ្យល់វិញមានរហូតដល់ទៅ ៦៤៤គីឡូម៉ែត្រក្នុងមួយម៉ោង។ ខុសពីព្យុះសង្ឃរានៅលើភពផែនដី ដែលមានវត្តមានត្រឹមតែប៉ុន្មានថ្ងៃ ព្យុះសង្ឃរានៅលើភពព្រហស្បតិ៍នេះបានបក់បោកជាប់ជាប្រចាំអស់រយៈពេលរាប់រយឆ្នាំមកហើយ។ គេបានចាប់ផ្តើមសង្កេតឃើញចំណុចក្រហមនៅលើភពព្រហស្បតិ៍នេះ តាំងពីអំឡុងសតវត្សរ៍ទី១៧ នៅពេលដែលមនុស្សយើងចាប់ផ្តើមសង្កេតមើលផ្កាយដោយប្រើតេឡេស្កុប។ ក៏ប៉ុន្តែ គេនៅមិនទាន់ប្រាកដច្បាស់ថា តើចំណុចក្រហមដែលគេចាប់ផ្តើមសង្កេតឃើញនៅសតវត្សរ៍ទី១៧នោះ គឺជាព្យុះតែមួយ ឬក៏ជាព្យុះផ្សេងមួយផ្សេងទៀត ដែលកើតមានពីមុន រួចហើយបាត់ទៅវិញ មុននឹងកើតព្យុះថ្មីទៀត។ ទោះជាយ៉ាងណា គេអាចដឹងប្រាកដច្បាស់ថា ព្យុះសង្ឃរាលើភពព្រហស្បតិ៍បច្ចុប្បន្ននេះ កើតមានឡើងយ៉ាងតិច ១៥០ឆ្នាំមកហើយ។
តេឡេស្កុបអវកាសហឺបល Hubble Space Telescope ថតបានព្យុះសង្ឃរា របស់ភពព្រហស្បតិ៍
រូបភាពថតដោយតេឡេស្កុបអវកាសហឺបល (Hubble Space Telescope) នៅថ្ងៃទី២៧ មិថុនា ២០១៩ បង្ហាញយ៉ាងច្បាស់ និងយ៉ាងលម្អិត អំពី "ចំណុចក្រហមនៃភពព្រហស្បតិ៍" (Jupiter's Great Red Spot)
"ចំណុចក្រហម" ជាចំណុចសម្គាល់ដ៏ពិសេសមួយនៃភពព្រហស្បតិ៍ ហើយវាក៏ជាចំណុចទាក់ទាញអារម្មណ៍ និងចម្ងល់ដ៏ខ្លាំងមួយផងដែរ នៅក្នុងប្រព័ន្ធព្រះអាទិត្យរបស់យើង។ តាមពិតចំណុចក្រហមនេះ គឺជាព្យុះសង្ឃរា។នេះបើយោងតាមការស្រាយ របស់លោក សេង ឌីណា។
នៅលើភពផែនដីយើង ប្រសិនបើគេមើលពីទីអវកាស ព្យុះសង្ឃរាក៏បង្កើតឲ្យមានពពកជាទម្រង់ស្រដៀងគ្នានឹងចំណុចក្រហមនៃភពព្រហស្បតិ៍នេះដែរ។ គ្រាន់តែថា ព្យុះនៅលើភពផែនដីមានពណ៌ ស ហើយព្យុះសង្ឃរាដ៏ធំបំផុតដែលគេធ្លាប់សង្កេតឃើញនៅលើភពផែនដី មានមុខកាត់ប្រមាណជា ១៦០០គីឡូម៉ែត្រ ហើយមានកម្លាំងខ្យល់ប្រមាណជា ៣២០គីឡូម៉ែត្រក្នុងមួយម៉ោង។
ព្យុះនៅក្នុងចំណុចក្រហមនៃភពព្រហស្បតិ៍នេះវិញ មានទំហំដ៏ធំមហិមា គឺមានមុខកាត់ស្មើនឹង២ដងនៃមុខកាត់របស់ផែនដី ហើយកម្លាំងខ្យល់វិញមានរហូតដល់ទៅ ៦៤៤គីឡូម៉ែត្រក្នុងមួយម៉ោង។ ខុសពីព្យុះសង្ឃរានៅលើភពផែនដី ដែលមានវត្តមានត្រឹមតែប៉ុន្មានថ្ងៃ ព្យុះសង្ឃរានៅលើភពព្រហស្បតិ៍នេះបានបក់បោកជាប់ជាប្រចាំអស់រយៈពេលរាប់រយឆ្នាំមកហើយ។ គេបានចាប់ផ្តើមសង្កេតឃើញចំណុចក្រហមនៅលើភពព្រហស្បតិ៍នេះ តាំងពីអំឡុងសតវត្សរ៍ទី១៧ នៅពេលដែលមនុស្សយើងចាប់ផ្តើមសង្កេតមើលផ្កាយដោយប្រើតេឡេស្កុប។ ក៏ប៉ុន្តែ គេនៅមិនទាន់ប្រាកដច្បាស់ថា តើចំណុចក្រហមដែលគេចាប់ផ្តើមសង្កេតឃើញនៅសតវត្សរ៍ទី១៧នោះ គឺជាព្យុះតែមួយ ឬក៏ជាព្យុះផ្សេងមួយផ្សេងទៀត ដែលកើតមានពីមុន រួចហើយបាត់ទៅវិញ មុននឹងកើតព្យុះថ្មីទៀត។ ទោះជាយ៉ាងណា គេអាចដឹងប្រាកដច្បាស់ថា ព្យុះសង្ឃរាលើភពព្រហស្បតិ៍បច្ចុប្បន្ននេះ កើតមានឡើងយ៉ាងតិច ១៥០ឆ្នាំមកហើយ។